De Feesnaeskes is de eerste, insigste én leukste kingervastelaovesvereiniging van Postert. Jidder jaor, metein nao de kersvakansie, kinne alle Posterse kinger oet groep 5 toet en mit 8 vanne basissjool zich opgaeve om lid te waere vanne Feesnaeskes veur ein jaor. De kins vanalles waere: Prins, Prinses, Vors, Nar, Raodslid of Dansmarietsje. Mer veurdet 't zowied is, is d'r eers ein laoting.

Det is helemaol neet leuk, want es zich te väöl kinger opgaeve (d'r is mer plaats veur 21 kinger) dan mot de leiding döks jonges en maedsjes teleursjtelle. Gelökkig moge kinger die neet ingelaot waere aevegood mitsjpringe mit de Vastelaovend. En nag gelökkiger, väöl jonges en maedsjes doon det auch!

Sjpringe det doon de Feesnaeskes héél väöl, want zie höbbe allerlei activiteite:
- de dialecmis
- de resepsies vanne Biemösje en Dorsjvlaegels
- ein optraeje oppe Bóntje Aovend vanne Biemösje
- de Vastelaovesaovend van DanceBeat
- de Vastelaovesaovend van Roncalli / Meisjesgilde
- de Sjoolcarnaval
- de Vastelaovesaovend van Voluntas, Oranje-Blauw, HCP en Dance2Flow
- de Buujelemiddig
- de optoch en daonao nao de kèrmis 
- de Boerebroelof

En es allerleste activiteit gaon ze altied heerlijke frietjes aete biej Mister Johnny... Jummie.

Wilt geer meer euver ós weite, kom dan later nag ins teruuk!